Senaste recensioner av TMFaisal

Are you ready to study a video-game abroad ?
Then buy this one and seek a solo system to start your education there until another *alien* student face you to become an ally or and a rival

seriously, Stellaris is a great game that will take a lot of time from your life once you understand how to play it.

I really LOVED the nation creator in this game as you can be a Human, Cat <3 , or Fungus creature or a lot of things.
And you can explore the universe and make researches of planets and solo systems, and look for a habitable planet for your specie to live on.

I can't spoil everything here because it's fun to explore a game, so if you like playing strategy-type of games you should try it.

Remember Skyrim Addiction ? Yep, that's what you'll get from Witcher 3 !
85+ Hours of playing and still haven't get bored of it

- Long and Emotional and Exciting Story
- Lots Of Quests, I mean really alot besides the main story, some side quests are as good as the main story
- Exciting Gameplay and fighting style
- Massive Open World
- And the soundtracks OMG I LOVE THEM!
- Special Armor Designs that you'd love

-( Please Add Arabic Language To The Reviews Languages )-

لما شفت عرض اللعبة اشتريتها وأنا جالس أفكر , هل تسوى ؟
واليوم بعد ما ختمت اللعبة في 29 ساعة أقول لكم اللعبة رهيبببه !
( ممكن تختمها في مدة أقل بس بقول لكم ليش طولت في قسم سلبيات اللعبة)

( الزبدة موجوده تحت في الأخير لو ما تبغى تقرأ كل هالكلام )

قصة اللعبة :
انتشر الدمار في العالم وبقت مملكتك صامدة كآخر نقطة في الأرض مافيها دمار , الكأس العملاق اللي القصة حوله يقدر يطهر العالم كله إذا تعبى بالكامل خلال 300 سنة
انت دورك في اللعبة الحاكم ولازم تدير مملكتك وتحميها من الكادينس خلال هالوقت
وعشان تحميها تحتاج أبطال لمملكتك ولازم تلفلهم وتزاوجهم مع بعض وتسوي سلالة خاصة فيهم عشان يخلفون جيل جديد من الأبطال , وفي نفس الوقت لازم تعمل حساب للصفات الوراثية للجيل
إذا الأب أو الام عنده مرض ممكن ينتقل للجيل اللي بعده , نفس الشي ينطبق على الصفات والقدرات الزينه زي الذكاء

----

طريقة اللعب راح أقسمها لقسمين :-

1- خريطة المملكة :
هنا تدير المملكة بالكامل عن طريق بناء المباني واللي تاخذ منك سنين في البناء ومع كل مبنى تبنيه راح تزيد مدة البناء للمبنى الجاي
وتشوف الأبطال بميزاتهم وقدراتهم وتبني لهم قلعة عشان تحط فيها عائلة وتخليها خاصة بسلالتهم
وتقدر تسوي أبحاث عشان تصنع دروع وأسلحة أقوى وحاجات ثانية بتحتاجها كل ما تقدمت باللعبة
وتقدّم الزمن بسرعة عشان تركض السنين وتشوف مملكتك تتقدم

وفجأة ! يجيك هجوم من الكادينس على حدود مملكتك ! يهاجمونك كل 10 سنين تقريبًا وفي الغالب أقل

في الغالب تجيك هجمتين مع بعض وبعض الأحيان تجيك هجمة واحده وبتكون على مبنى بانيه على الحدود
لكن إذا بقت لك أقل من 100 سنة راح تبدأ تجيك ثلاث هجمات في نفس الوقت
هنا انت لازم تختار انك تدافع على وحدة من الأراضي اللي عليها الهجوم وترسل أبطالك عليها
أهم شي أنك تختار صيادين ( 2 صياد عشان ما تتلخبطون ) في الهجوم

2- نمط القتال :
هنا اللعبة تتغيّر تصير في ساحة معركة وتلعب بأبطالك اللي اخترتهم وتحارب الكادينس فيهم
نظام المعركة زي تكتيكي بأدوار أو Turn Based Tactics
يعني لك دور والكادينس لهم دور
وكل بطل له خطوتين ومسافاتهم تختلف حسب قدرات وميزات كل بطل

الصيادين يطلقون سهامهم من مسافات بعيدة ودروعهم ضعيفة
الكيميائيين هجماتهم متوسطة ويقدرون يرمون قنابل تفك أزمه
المدرعين من اسمهم دروعهم قويه وضرباتهم قوية وهم اللي دايمًا تخليهم في الوجه وضرباتهم توقف عدوك لمدة دور

-------

الايجابيات :
1- كل ما تقدمت في اللعبة كل ما زادت صعوبتها بالذات لما يكتمل نص الكأس
2- فكرة نسل الأبطال وأن كل نسل له قلعة خاصة فيه
3- تهجين تخصصات الأبطال لما تزوّج بطل بتخصص مع بطلة بتخصص مختلف يطلع المولود بتخصص جديد
4- تنوّع الكادينس اللي تحاربهم وتنوّع قدراتهم , مثلاً في واحد منهم اذا ضرب بطلك يقدّم عمره خمس سنين , هذا نكبه ابعد عنه
5- عمر الابطال حوالي 70 سنة ويموتون , هذا اذا ما ماتو في معركة , فلا تعلّق قلبك ببطل
6- نظام القتال ممتع
7- المناسبات اللي تصير في المملكة كل كم سنة أضافت متعة لأنك بتتخذ قرار فيها وممكن يكون قرار صائب وحلو أو قرار مخيس ويضر أبطالك أو مملكتك

السلبيات :
1- ان البطل اللي تزوجه أو تعيّنه في مبنى ما راح تقدر تلعب فيه مرة ثانية
2- أحيانًا لما تدخل على معركة ينكبونك ويحطّونك في مكان مخيس بين الكادينس
3- اللعبة فيها مشاكلة تقنية في نمط القتال وهي الشي اللي خلاني أطوّل في مدة اللعبة
لما تحدد بطل معين على كادينس عشان يهاجمه يعطيك نسبة في نجاح الضربة وأن الضرر اللي بتسويه من 30 الى 40 مثلاً وتتفاجأ لما تهاجمه ان الضرر اللي جاه بس 6 والكادينس اللي قدامك دمه 50 !! نكبة
بالذات في الهجمات البعيدة ممكن الضربة تشطح بعيد عنه
فعشان كذا في كل دور أخزّن اللعبة لأني ما ابغى أنحط في موقف معفن !
والمشكلة انك بتكرر هالشي كثييييييييييييييييييير عشان كذا بديت أطفش من اللعبة في آخر 100 سنة

----

في الأخير :

أعطي اللعبة 8\10 وأنصح كل الناس يشرتونها ويجربونها وإذا ما عجبتهم يقدرون يرجعونها مع خدمة الترجيع من ستيم :)

- This is an Arabic Review, Please Add Arabic To The Review Languages -
but if you want my opinion, it's a great game and you should try it ;D

بعد ما ختمت اللعبة في 6 ساعات لعب مع تجميع التطويرات كلها تقريبًا

أقدر أقول انها وحده من الالعاب النادرة اللي بتدخّل مشاعرك في اللعبة من ناحية القصة والموسيقى الرايقة

- قصة اللعبة حلوة ومعبره
( ممكن تبكي في بعض اللحظات )

- الاغاني في اللعبة رايقه

- طريقة اللعب ممتعة وما ينمل منها بسرعة ومليانه تحديات وحركة

- عجبتني المهارات اللي تفتحها وحرفيًا راح تحتاج لها كثير مو زي باقي الالعاب تجرب المهارة مرة وحده وتسحب عليها

لعبة روعه وأنصحكم فيها

- This is An Arabic Review -

أول ما لعبت اللعبة كنت مستغرب من الناس اللي قالولي انها صعبة لأني ما لقيت الصعوبة فيها
وقلت يمكن ما جربو سلسلة Dark Souls
لكن بعد ساعة إلى ساعتين من اللعب وتحديدًا لما وصلت للزعيم الثالث مدري الرابع لقيت الصعوبة اللي كانو يقصدونها
وهنا اعترفت ان اللعبة صعبة

أول ما نزلت اللعبة كانو الناس يقارنونها بدارك سولز وفي ناس قالو انها سرقه منها
لكن خذوها مني , هذي مهي دارك سولز , هذي أقرب لعبة ممكن تقارنها فيها

الفروقات بين اللعبتين كثيرة بس فيها حاجات متشابهة
زي انك لو انقتلت راح يروح عليك الاكس بي اللي جمعته ولازم تلحق عليه وتاخذه من المكان اللي انقتلت فيه
بس الفرق هو ان الاكس بي ينقص اذا تأخرت عليه إلين ما يختفي بالكامل

الشي اللي قهرني في التحكم هو ان الشخصية ثقيلة بشكل يخليك تقول ان دارك سولز لعبة سريعة ( زي كود بالنسبة لباتل فيلد ) وهذا اللي مصعبها

إذا كنت تهتم بالحوارات بين الشخصيات , لا تتوقع شي كبير لأن تمثيل الأصوات سيء وبتحس انك تتفرج على مسلسل مكسيكي مدبلج

اذا كنتو تحبون التحدي والألعاب اللي بنفس هذا النظام ( أو دارك سولز ) أنصحكم تلعبونها

احسن برنامج سجلت فيه الى الحين , كل البرامج اللي استخدمتها فيها عيب سواء كان تقطيع في الفريمات او ما تقدر تفصل صوتك عن صوت اللعبة او غيرها
هذا البرنامج جمع كل الميزات وغير كذا تقدر تسجل بالفيس كام بنفس البرنامج
برنامج خفيف وسهل الاستخدام رغم خياراته الكثيرة وانصح فيه بس المشكلة ان سعره غالي

اللعبة خيبت ظني لأسباب كثيرة
كمية الرعب فيها قليلة والقصة قصيرة غير هذا القلتشات فيها كثيرة
ومافيها قائمة للأغراض وألغازها سهلة وما تقدر تشيل أي شي بس أشياء محددة
الجزء الأول أرعب وأطول بكثير من هذا الجزء وقصته أفضل
أنصحكم تشترون الأول لأنه من جد لعبة رعب منافسة لأوت لاست

من أفضل الألعاب اللي لعبتها في 2013 , تعتمد على خبرتك في مجال الألعاب وإذا تعرف سلبيات وايجابيات الأجهزة أو حتى تاريخها راح تقدر تستمر في اللعبة
غير كذا لازم تختار نوع اللعبة المناسب للجهاز اللي راح تصدر عليه
أدمنت عليها لدرجة اني ختمتها وعدتها مرة ثانية بمودات

لعبة خطييييرة , لقطات الغموض فيها باردة لكن وقت الحماس حمآس
أنصحكم فيها بس ما تنفع للصغار بسبب اللغة البذيئة وفيها لقطة وصخة ( أو ممكن أكثر )